Ziirinda > 2016 05 19
Duga ni digon ani ʃὲ ka bànako
Nin Kɛra terima sàba ye: Duga ni Digon ani ʃὲ. U sàba bɛɛ Nàna Bàna waati kelen.
Duga ka bàna tùn ye kùnsigi-ntanya ye kà Digon ta Kɛra dadimi ye. Ɔ, u sabànan min ye ʃὲ ye, o ta Kɛra yɛrɛyɛrɛ-bana ye.
U sàba bɛɛ y'u Fàra ɲɔgɔn kan k'u tɛgɛ Di ɲɔgɔn ma walasa u na fɛɛrɛ Sɔrɔ u ka bànaw na. U fàralen ɲɔgɔn kan u ye dɔnkilinin dɔ Da o min 'kɔnɔ u b'u Damakasi kà Лɛsin Ala ma. U ye dɔnkilinin min Da o Flɛ:
A ye a duɲa nuba
duɲa nunba y'o ye
duɲa nunba
duɲa sanga nunba y'o ye.
Aa, duɲa! Aa, kabako
U ye nin Fɔ ni kà Tla k'a Sɛbɛkɔrɔ-fɔ, nka o bɛɛ la Ala ma Sɔ̀n kà kuma u fɛ 'kuma tɛ ko kà nɔgɔya Dòn u ma. A!, o kɛlen nin teri sàba ninnu y'u Sìgi kà Hami. Ɔ, o kɛlen duga ni digon y'u Kanto k'u ka Taa Ala nɔ fɛ sankolo la. Ko n'o Kɛra k'a n'u Jaabi. Ɔ, nka ʃὲ ma Sɔ̀n u ka hakilina in ma. Ale K'u ma k'u ka Sabali k'u kana kow Damatɛmɛ. A K'u ma ko n'u y'a Kɛ tèn ko Ala bɛ Dimi u 'kɔrɔ dɛ, wa ko n'o Kɛra k'u ka bàna tɛ na Kɛnɛya blen haan.
O kɛlen, duga ni digon ko ʃὲ ma k'a ka Bɔ olu 'da la k'olu bɛ Taa pyan. Ɔ, digon ni duga ye ʃὲ Jaabi tèn dɔrɔn kà Sin k'u Pan kà Taa san fɛ fii! ʃὲ kelen Tora dugu ma. O kɛlen Ala fana Sinna kà Bɔ ʃὲ ye k'o ka bàna Furakɛ. K'a Tà o don fo bì digon ni duga bɛ o sanfɛtaa la halisa.
N y'o Tà yɔrɔ min, n y'o Blà yen
Blàdon : 2016-05-19 Yɛlɛmako laban : 2016-07-07
