Fàden Seku Sangarɛ ka yɛrɛkofɔ
Kr Seku Sangarε ye dànkelen dɔ ye bamanankan lafali baaraw la. Mɔgɔ dòn min ye sìgida yiriwali kàlanw Kε. O kàlanw waleyali siratigε la, a ka baara Sera den balodεsεtɔw ladonni ma. O y’a Blà ka balodɔn faamuya sira Taama. A ye den caman ni Kisi n’a ka balodɔn dɔnniya ye Mali dugumisεnninw na bàɲuman-kεtɔn dɔw la i n’a fɔ Medicine for Mali n’a ɲɔgɔnnaw. A bε den balodεsεtɔw ladoncogo Dɔn k’u fari Lafa n’a ma Kε ni dɔgɔtɔrɔso-lataa ye. A bε denbaw Dege balo nafama dlacogo la ka Di denw ma.
Kr Seku ye siginikalan ni magokalan caman Kε kalandenw ‘kùn. A ka kàlanden kɔrɔ dɔw yεrε bε 'jɔyɔrɔ ɲεnama na dugu dɔw ‘kɔnɔ. A dɔw bε u ka galoda (komini) cakεlaw la bì.
A sàn 24 Flε nin ye, Kr Seku bε baara Kε bamanankan na sìgidaw yiriwali ‘kɔnɔ. A ye forobakεnεya baaraw da Minε SAVE THE CHILDREN na ka Tla k’o dɔw Kε ADRA MALI la. Nin bεε la, Seku Sangarε ye zana ‘dɔnbaajε ye bamanankan na. A yεrε ɲuman na, “mɔgɔ kelen bololatulu tε Se ka sama Mun”. A b’o zana in Da ka jama Suguni ka Kε fàsokanw baarali kan.
Kan ni Yiriwa cɛbɔ dòn. A ye sɛbɛn dɔw Bayɛlɛma ka Bɔ fransɛkan na ka Blà bamanankan na, balodɔn kan. A ka zana sɛbɛnnen fana bɛ bà kelen ni 'kɔ Bɔ. A 'sèn bɛ poyisɛbɛn ni sɛbɛnni sugu caman na bamanankan lafali kama.
Blàdon : 2016-07-07 Yɛlɛmako laban : 2017-01-07
