Dɔnniya fòrobayali jὲmukan tàko 9nan
Làbɛn 3 : Bàngudɔn (physique) : Tlè n’a màntonw kisa.
Dakun : Welennin n’a kùnkanfaamuyaw (Mercure et ses littératures scientifiques)
1. ‘Sègin kɛli tlè n’a mànton 9 tɛrɛmɛni kan: welennin, sìgidoolo, dùgukolo, dùgukoloblen, ntòlaba, jikuruntola, jikuruntoladankan, jikuruntolanin, ntòlanin
2. Mànton 1 : Welennin (Mercure)
2.1 Welennin ɲɛfɔli : tɔgɔ sɔ̀rɔcogo
2.2 Welennin sùrunyacogo tlè la : (bam miliyɔn 58 b’a ni tlè ‘cɛ)
2.3 Welennin bàrisogoko : bɔ̀gɔ / kaba / nὲgɛ
2.4 Welennin ka laminini kùntaala (période de revolution) : tlè 88 (a ka sàn kelen kùntaala)
2.5 Welennin ka munu-mununi kùntaala (période de rotation) : tlè 59 (a ka don kelen kùntaala)
2.6 Welennin kànfuntenihakɛ : 400° tlè fɛ kà Se -220° su fɛ
2.7 Welennin ka sɔsɔlenya (densité) : a bàrisogo sɔsɔli ni dùgukolo ta ka sùrun ɲɔgɔn na
2.8 Welennin yankan (bònya) ka dɔgɔ ni dùgukolo ta ye fo shyὲn 18 ɲɔgɔn.
2.9 Welennin kòorikɔnɔ bònya (diamètre) : bam 4 900 km
2.10 Welennin forokofiɲɛko (atmosphère): Fiɲɛ fɛgɛnmannin / kɔ̀gɔlan ni kàtalan b’o fiɲɛ na
3. Dodaɲɛkura fɔlenw fàamuya dili
bàmɛtrɛ = Kilomètre
bàngudɔn = Physique
forokofiɲɛko = Atmosphère
fùntenihakɛ = Température
kàtalan = Potassium
kòorikɔnɔ = Diamètre
kɔ̀gɔlan = Sodium
laminini = Revolution
mànton = Planète satellite
munu-mununi = Rotation
sògo (bàrisogo / bɔ̀gɔ) = Masse
sɔsɔlenya = Densité
welennin = Mercure
yankan = Volume
Blàdon : 2023-09-15 Yɛlɛmako laban : 2023-10-14
